-Íspinnarnir okkar Heimsmeistarar!-

Há emmi lokið mar og þvílík dramatík og spenna. Íslensku þursarnir Heimsmeistarar og allt einum manni að þakka. Geir Hallsteinssyni sem sýndi það og sannaði að hann er okkar allra fremsti handboltamaður.
Og jú jú hann má nú eiga það litli titturinn á gallabuxunum að hann er áhugasamur um þetta sport sitt.
Og það að vinna sér sæti á Ólympíuleikana er eitthvað sem hentar Íspinnunum okkar mjög vel, því yfirskrift Ólympíuleikanna er að vinna er ekki aðalatriðið heldur að vera með. Við gætum þar með unnið okkar fyrstu Ólympíugull.
Leikinn gegn Rússneskum vodkableyttum freðmýrar Þursum sá ég ekki og get því ekki dæmt hann nema hvað mér skilst að þeir íslensku hafi hafi gefið eftir og sýnt sama undirlægju hátt gagnvart rússum líkt og Einar Olgeirsson gerði á sínum tíma.
Í gær var svo leikið um sigursætið í keppninni en það lið sem lendir í 7. sæti verður heimsmeistari og það sæti tryggðu Frostpinnarnir okkar sér örugglega en þá var tekið á stríðshrjáðum munaðarlausum harmonikkuleikandi Júgóslövum.
Frostpinna Þursaflokkurinn átti stórleik gegn hinum slavnesku leikmönnum sem báru greinileg merki stríðsátaka heimafyrir.
Júgóslavnesku hornamennirnir lágu veinandi af næringarskorti og betlandi í hornunum sínum og sá ég ekki betur en annar hornamaðurinn væri með hvítvoðung á brjósti.
Þursarnir okkar nýttu sér slæmt ástand Júgga og völtuðu yfir þá með lúðrablæstri og trumbuslætti.
Gríðarlegur fögnuður braust út þegar leiknum lauk... Ísland heimsmeistari í handbolta.
Króatía endaði í 1 og neðsta sæti og greinilegt að sú þjóð þarf nú aldeilis að fara að taka sig á ef hún ætlar ekki að dragast aftur úr öðrum þjóðum.

Spánverjar spældu sportmenn Íslands.

Glímubrögð dugðu ekki gegn Spænskum Don Kíkótum, því sóknir Spænskra voru flóknar líkt og Picasso málverk.
Á meðan reyndu Íslensku þursarnir að Kjarvala sig í gegnum sangríu og síestu Spánverja.
Líkt og Lómarnir á málverki Gunnlaugs Shceving störðu Íslensku Þursarnir forviða á Spænsku leikmennina sem litu aftur á móti á Íslenska liðið líkt og á málverk
Diego Rodríguez de Silva Velázguez af Venusi skoðandi sig í spegli eða La venus del espejo
Í hálfleik sötruðu Spænskir Sangría og brögðuðu á listfengi Spænskrar matargerðarlistar líkt og Paella.
Meðan Íslensku þursarnir bruddu "Strákana okkar" frá Kjörís og drukku með því illa soðin landa.
Leikur Íslensku þursana var jafn fjörugur og 17. Júní í Hafnarfirði og Halli og Laddi í 24.tíma grín maraþoni með Spaugstofunni.
Næst mætum við Rússum í keppni um hverjir fái að sitja aftast í rútunni á leiðinni heim.

Brjótandi Frétt! Landsleikur Íslands og Póllands misskilningur?!

Hér má sjá á fréttamynd pólska dagblaðsins Serverskellegi Ólaf Stefánsson dökkklæddan taka á Pólska leikmanninum Jurasic í leiknum í gær.
Fyrirsögn blaðsins er
Starodávný islandský sport - glíma
Jediný skutečně národní islandský sport je druh zápasu glíma. Po době zapomnění o něj znovu ožívá zájem a glíma se tak stává populární zejména mezi mladými
lidmi. Tento zápas byl na severu Evropy v době vikingů velmi populární sport.

Íslendingar sendu óvart glímulið sitt til keppni á HM. Þetta komst ekki upp fyrr en í leikslok þegar Guðmundur þjálfari landsliðsin gekk að þjálfara Póllands og tók hressilega í buxnastreng hans og vippaði honum með hælkrók í gólfið.
Mörk Íslands voru hrein tilviljun í leiknum, því þeir skildu ekkert í þeirri áráttu Pólverja að vera vasast með einhvern knött í miðri glímu.
Því brugðu þeir á það ráð að hirða boltan af Pólverjunum og grýta boltanum í netið svo hægt væri að glíma í friði.

"Ef liðið hættir að skjóta á markið töpum við í slíkum leik"

Þjálfari Pólverja ræðir málin í hálfleik við Svínabónda frá Kraká

Gandreið þursaflokksins sem nú á orðið sitt eigið íspinna vörumerki heldur áfram.
Í gær slógu þeir Pólska tannlausa smábændur til jarðar í gærkvöldi.
Í leikmannahópi Pólverja var niðursetningur nafni Jurasic sem sýnir enn og aftur hversu gamaldags keppni þessi er orðin.
Pólverjar eru þekktir fyrir að gefa eftir fyrir öðrum þjóðum og Íslensku þursarnir voru engin undantekning á því.
Þursarnir átu Pólverjana líkt og svangur sjómaður á sjöunda áratugnum át Prins Póló og svolgruðu keppnisskapi Pólskra líkt og heitum Póló drykk á síðsumarkvöldi á Hvanneyri.
Næst mæta Þursarnir okkar Sangría svolgrandi Don Kíkótum frá Katalóníu. Og verður þeim sólbrenndu senjórum væntanlega ekki kápan úr klæðinu því að munnhöggvast við Íslenska þursaflokkinn.

-Svíar brjálaðir yfir sigrinum meðan Danir fagna tapi sínu líkt og heimsmeistarar-

Þetta er ekki frétt úr hliðstæðum heimi, þetta er Plánetan Jörðin í Milkyway vetrarbrautinni.
Handboltahreyfingin hefur bókstaflega tekið orðum geimverunnar Kang "We must look forward, not backwards. Upward not forward....and constantly twirling twirling twirling".
Og það er einmitt það sem handboltahreyfingin gerir hún snýst í hringi áfram og afturábak með fyrirkomulagið á íþróttinni.
Nú er svo komið að best er að tapa leikjum og hræðilegt getur verið fyrir Svía að vinna Sígaunaflokk Ungverja í milliriðlum.
Ég bíð spenntur eftir því að Ungverjar fari að verja mark Svía og Ungverjar þurfi líka að verja sitt mark því þeir mega ekki tapa og heldur ekki vinna, því ef Ungverjar vinna, þá fara Svíar áfram af því þeir skoruðu fimm mörk úr hraðaupphlaupi gegn Kongó. Hinsvegar verða Svíar að vinna Ungverja stórt og helst með tólf mörkum því Danir mega ekki skora mark úr horni gegn Grænlandi. Því það getur vakið upp Sjálfstæðisbaráttu Færeyinga.
Vinni Svíar hinsvegar Ungverja með þrettán mörkum eða ellefu mörkum fara Ungverjar áfram í úrslit á flottari æfingagöllum.
Íslendingar verða svo að vinna og tapa fyrir Pólverjum því ef Frakkar vinna Spánverja eru Danir dottnir út úr keppninni og því getur Ísland ekki mætt Svíum sem verða að vinna eða tapa fyrir Ungverjum, sem gerir vonir okkar um glugga sæti í flugvélinni heim nánast að engu.
Handboltinn er svo sannarlega á uppleið í heiminum og niðurleið og framför samt afturför og snýst hring eftir hring eftir hring.....

Krakkarnir á Barnabæ hönnuðu keppnisfyrirkomulagið á HM

Íslenski þursflokkurinn náði topp leik gegn vatnspípureykjandi mussuklæddum aröbum sem unnu þáttökurétt á HM í einhvurjum gosdrykkjaleik þar í landi.
Þessi sigur skipti víst engu máli í keppninni og heldur ekki þursadans við þýska. Og hver skildi ástæðan vera?
Jú því til að komast í milliriðla þarftu ekki endilega að vinna leik. Þarf ekki að vinna leik? spyr margur.
Jú ástæðan er sú að það voru krakkarnir á Barnabæ á Blönduósi sem hönnuðu keppnisfyrirkomulag HM í Þursaleik.
Eins og formaður dómarnefndarinnar segir í viðtali við vefinn, þá sko eiga allir að vera vinir og ekki má skilja neinn útundan.
Þess vegna fara öll liðin í milliriðla og að þeim loknum verða þursarnir leystir út með viðurkenningarskjölum og Svala.
Loks verður boðið í pylsuveislu og diskótek.

Bragðdaufur leikur gegn Portúgal


Ættknéri Sigurðar Fáfnisbana löðrunguðu Lúsitaníuriddara í Þursaþraut.
Litli ráðagóði dvergurinn fór fyrir ætt Víkinga og sæfara gegn Flauelsklæddum fyrirmennum Portúgala.
Púrtvín það er Lissabondrengir hugðust dreypa á í lok hólmöngu reyndist súrt brennivín Thule drengja.
Barist var á banaspjótum, ullu iðrin líkt og Fenrisúlfi. Hristust fjöll og frusu fljót er Guðmundr sagði köppum sínum að
spila sex núll vörnina af krafti. Boðorð Guðmundr féllu sem vatn í þurra jörð og fræ spruttu upp sem hveitskógar er hann kallaði Allir eru tilbúnir þegar kallið kemur! Héldu nú margir á vígvelli þursa að endalokin væru nærri , hverju reiddust goðin svo að Guðmundr kom með slíka goða speki? Svartur varð himin og sólin hvarf er Guðmundr sagði Berjast Kappar! Urðu orð þessi til að synir Íberíuskagans og Ólífuakranna féllu máttvana í svörð og hurfu ofan í gap jarðar í ógurlegum jarðhræringum. Valhoppuðu Þursar Íslands nú sigurhring yfir endalokum Íberíuþursa.

HM skipulagt af trúðum

Svíar hafa komist að því að þessir tveir trúðar skipulögðu HM í handbolta, þeir heita Fabio og Chavez og eru þekktir grallarar.
Fabio og Chavez segja ástæðuna fyrir því að þeir skipulögðu HM í handbolta væri sú að þeim hafi íþróttin vera fíflalegt sport og henta vel trúðum.
Þarna séu eintómir þursar að reyna að spila íþrótt sem felst í því að toga og kýla í andstæðinginn. Fabio vildi til að mynda helst láta menn spila með rjómatertur og kasta þeim í andlitið á markverðinum.

Svíar með ullabjakk í mallakút

Sænsku þursarnir á HM í Portúgal þjást víst af vanlíðan í mallakút sem kom í veg fyrir að Tomas Svensson og Mattias Franzén gátu tekið þátt í leiknum við Slóvena í gær, en leiknum töpuðu Svíar, 29:25. Kveisunnar varð vart í fyrrinótt og voru Magnus Wislander og hinn ungi leikmaður, Kim Andersson, settir í einangrun.
Maggi og Kim voru að vonum ósáttir og réðust æstir á Lækni liðsins Göran Magnusson sem er rólyndis maður frá Gautaborg með yfirgreiddan skalla.
Í hádeginu spilaði Staffan Olson á Lútu fyrir félaga sína og las upp úr bókinni Emil í Kattholti. Á meðan lestri stóð þurfti Tomas Svensson að gubba og var því gert hlé á lestri.

HM í Handknattleik- Spennandi íþrótt....... fyrir um áttatíu árum

Guðjón Valur setti markamet á HM
Guðjón Valur Sigurðsson skoraði 14 mörk í leiknum gegn Ástralíu, sem er met hjá íslenskum leikmanni á HM. Valdimar Gímsson átti gamla metið - hann skoraði 11/3 mörk í leik gegn Júgóslavíu á HM í Kumamoto 1997, í leik sem Ísland vann, 27:18.
Sigurður Valur Sveinsson skoraði 10 mörk í leik gegn Ungverjum á HM í Svíþjóð 1993, sem Ísland vann 25:21.

Kristján Arason skoraði 10 mörk í leik gegn Suður-Kóreu á HM í Sviss 1986, í leik sem S-Kórea vann 29:21, En blaðamaður Dverga pissaði eitt sinn í kross með Kristjáni Arasyni

Segir Arabaþjóðirnar hafa keypt HM-sætin
Olle Olsson, fyrrverandi landsliðsþjálfari Sádi-Araba í handknattleik, fullyrðir að arabaþjóðirnar þrjár sem taka þátt í HM í Portúgal, Sádi-Arabía, Kúveit og Katar, hafi komist þangað með mútugreiðslum. Það sem menn leggja á sig til að komast á HM, ekki eru þeir að sækjast eftir digrum sjóðum frá sjónvarpsstöðvum?