-Króaðir af Króötum-

Nautgripirnir okkar í Seint Galinn mættu hópi illvígra Nauta frá Króatíu í gær.
Kom þá í ljós að Nautin okkar eru ekkert nema Beljurnar okkar.
Króaðir af Króötum kúkuðu kappar vorir í hvíta klútinn og gáfust upp.
Nú er staðan orðin kunnugleg fyrir Beljurnar okkar, þurfa að treysta á aðra.
Nú þurfa Danir að vinna Serba og Hamas hreyfingin þarf að halda svínakjötsveislu fyrir heittrúaða Gyðinga.
Nú er staðan sú að fleiri naut eru stödd í Göppingen sjúkrabúðunum en eru í sjálfum landsliðshópnum.
Garcia,Rollo,Alexander Pettersson eru allir stórslasaðir eftir að hafa orðið fyrir árás erlendra nauta.
Flugdólgurinn Viggó var ekki sáttur í lok slagsmálanna og þurfti hann að fá tvær flugfreyjur til að slá niður.

-Rússtuðum Rústbarða Rússa-

Hjer í Seint Galinn þar sem allt er öfugsnúið gerðist það ótrúlega að Íslensku hnoðnautin rústuðu
Rússa í ruddaskap. Peysutogið var á heimsmælikvarða, hrindingarnar voru sem íslenskt brim er brýtur á
Bolungarvík, hálstökin voru sem frostbit á fjöllum í Febrúar.
Stemmningin hér í Seint Galinn var frábær en hjer snúa áhorfendur baki í slagsmálin og hvetja Finna.
Í hálfleik sýndu kengúrur bæjarsins trompfimleika á tvíslá á meðan lúðrasveitin bakaði tvíbökur.
Hér í seint Galinn er handbolti leikinn á þann veg að fái lið mark á sig, fá þeir markið skráð á sig.
Því hefði Ísland tapað leiknum hefði hann verið leikinn í öðrum bæ.
Í leikslok dönsuðu bæði lið sigurhring og fögnuðu frameftir nóttu.
Það er morgunljóst að þessi sigur Nautgripanna okkar á á eftir að hafa góð áhrif á land og þjóð,börn munu nú flykkjast á æfingar og vilja verða eins og Síestu Ólafur og Þorbjörn Atlason.
Jeg leit á Rússnesku blöðin nú í morgun en ekkert blað fjallar um þennan leik slík er skömm Rússa yfir þessu tapi.
Önnur heimsblöð hafa heldur ekki sjeð sjer fært að birta þessa stórfrjett.
Heldur þykir mjer það furðulegt, því jeg hjelt að þetta væri heimsfrjett.

Það er Jón Andri Finnson sem símar úr skaftpotti í Seint Galinn.

-Síestu Ólafi teflt fram gegn Rússum-

Ólafur Síesta Stefánsson er kominn frá Göppingen og verður með þursaflokknum í kvöld.
Gripirnir okkar voru fluttir með gripavagni frá Sursee til Seint Galinn þar sem allir íbúar ganga með hatta á fótum, skó á öxlum og allir elska handbolta.
Húsin í Seint Galinn snúa öll á hvolf ,bænum er stjórnað af bestu mjólkurkýr bæjarins og St Bernharðshundur rekur barinn í bænum.
Og á súlustaðnum klæða kindur sig í ullarfatnað.
Íbúar Seint Galinn starfa við að bryðja hraunmola og sand.
Þetta er því kjörlendi fyrir Nautgripina okkar í bláu treyjunum.
Í kvöld mæta gripirnir okkar rússneskum Mammútum sem hafa verið ná fram ótrúlegum þjösnaskap á þessu móti.
Það verður því æsispennandi að sjá hvernig klaufdýrin okkar standa í vodkalegnum Mammútum frá steppum Síberíu.
Keppt verður í Handboltalauginni í Seint Galinn.
Og þarf tapliðið að drekka alla mjólkina úr lauginni í leikslok.

-Vilhjálmur til Göppingen-

Mesti meiðslapjakkur Íslands Vilhjálmur Halldórsson slasaðist við morgunverðarborðið í morgun.
Sló hann fingri á eggjaskurn og fingurbrotnaði.
Hefur hann verðir sendur til Göppingen þar sem hann hittir fyrir þá Garcia, Roland og Óla Stef.
Ásgeir Hallgrímsson sem Viggó sagði fyrir tveimur vikum að væri ekki nægilega góður leikmaður fyrir
landsliðið hefur verið kallaður inn í landsliðið.
Er þetta líklega gert til að rugla andstæðingana í ríminu nema Ásgeir hafi orðið svona rosa góður
á nokkrum dögum.

-Hungverskir farandverkamenn ganga í sigurstörf Íslendinga-

Það er orðið ljóst að alþjóðavæðing Björgúlfs Thors og félaga er farin að hafa þau áhrif að hungurmorða þjóðir með flugur í augum og útstæða belgi eru farnar að gefa keypt sér næringarríka fæðu og vinna Ísland í þjösnaskap og hrindingum.
Nú verður það næsta verkefni HSÍ að knésetja veldi Björgúlfs í Hungverjalandi og þá með fjársöfnun fyrir landsliðið með yfirskriftinni: Bugum Bjögga með Boðgreiðslum.
Það er ljóst að flugdólgurinn er að missa tökin á starfi sínu og ætti að láta hann fara á stundinni og ráða Þórólf Árnason í staðinn.

-Danir kjöldregnir í jafntefli-

Hjer í Suisse áttu Íslensku holdanaut flugdólgsins Viggós ekki í vandræðum með gömlu herraþjóðina.
Skjálfandi á beinum reyndu Danir að vinnaekki Ísland af ótta við Baugsveldið og var sem þungu fargi létt af Danska þjálfaranum í leikslok því hefðu Danir unnið hefði Baugsveldið litið á það sem einhverskonar sjálfstæðisbaráttu hjá Dönum.
Var hræðilegt að sjá hversu fátækir sumir Dönsku leikmannanna eru orðnir því einn hét Assmussen og greinilegt að sjá að foreldrar hans höfðu ekki efni á að nefna hann Rassmussen.
Enginn slasaðist í þessum leik nema Vilhjálmur Halldórsson sem rak stóru tá í varamannabekkinn.