Hjér um helgina lauk þátttöku okkar máttlausu frómas fauta með því að við vorum rassskelltir af Rússneska birninum og með tárin í augunum hefndum við okkar með því að leggja hottintotta og sandalaeðlur frá Alsír.
Hefndum við þar Tyrkjaránsins með formlegum hætti.
Ég hefi hinsvegar lent í heilmiklu ævintýri með hinum fjóru fræknu og Belgíska blaðamanninum honum Tinna. Og nú um helgina náðum við að afhjúpa Svörtu grímuna sem barið hefir á öllum liðum í þessari keppni.
Eptir síðasta leik Slóvena eltum við fjögur fræknu og Tinni Svörtu grímuna í leynihelli hjér fyrir utan Túnisborg dulbúin sem harmonikuspilandi fasteignasalar.
Við náðum að lauma okkur inn í hellinn á eftir Svörtu grímunni og klófesta hana í okkar stóra loðnunet sem við höfðum meðferðis.
Eptir að Tinni og Lastík höfðu rifist dágóða stund um hver fengi að taka grímuna af Slóvenanum þá kýldi Lastík Tinna í rot og ég nýtti þá tækifærið og tók grímuna sjálfur af hinum dularfulla manni sem okkur til mikillar furðu var enginn annar en kvennabósinn og íþróttafréttamaðurinn
Bjarni Felixsson.
En skýring Bjarna á þessu athæfi sínu var að hann fékk ekki að lýsa leikjum Íslands í keppninni og því vildi hann hefna sín og slá Ísland út úr HM.
Svo að Adolf Ingi þyrfti að fara aftur heim til Íslands og lýsa Trompfimleikum.
Nú er gátan leyst og því held ég til vetrardvala á Kúbu með minni fávísu kellingu frá Túnis.
Kveðja Jón Andri Finnsson fréttamaður í síma frá Túnis.